ស្របតាមព្រះរាជបវេណីនៃការប្រារព្ធព្រះរាជពិធីបុណ្យភ្ជុំបិណ្ឌក្នុងឆ្នាំនេះ នៅវេលាព្រឹកថ្ងៃ​អាទិត្យ ១៤រោជ ខែ ភទ្របត ឆ្នាំ មមី សប្តស័ក ព ស ២៥៥៩ ត្រូវនឹងថ្ងែទី ១១ ខែ តុលា ឆ្នាំ ២០១៥ ព្រះករុណាព្រះបាទ​សម្តេចព្រះបរមនាថ នរោត្តម សីហមុនី​ ព្រះមហាក្សត្រ នៃព្រះរាជាណាចក្រកម្ពុជា​ និងម្តេច ព្រះមហាក្សត្រី ព្រះវររាជមាតាជាតិខែ្មរ ជាទីគោរព​សក្ការ:ដ៏ខ្ពង់ខ្ពស់បំផុត ព្រះអង្គបានសព្វព្រះរាជហប្ញទ័យ ស្តេចយាងជាព្រះរាជាធិបតីដ៏ខ្ពង់ខ្ពស់ ក្នុងព្រះរាជពិធីបុណ្យបង្សុកុល និងរាប់បាត្រ ថ្វាយព្រះរាជកុសល ព្រះវិញ្ញាណក្ខ័ន្ធ នៃអតីតព្រះមហាក្សត្រ  ព្រះមហាក្សត្រីយានីយ៍ និងព្រះរាជវង្សានុវង្សខ្មែរគ្រប់ព្រះអង្គ។ យាងនិងអញ្ជើញចូលរួមដង្ហែព្រះរាជសកម្មភាព ព្រះករុណាជាអម្ចាស់ជីវិតតម្កល់លើត្យូង និងសម្តេចព្រះមហាក្សត្រី​ ព្រះវររាជមាតាជាតិខែ្មរ ជាទីគោរពសក្ការ:ដ៏ខ្ពង់ខ្ពស់បំផុត នាឱកាស​នោះ​មាន​ សម្តេចរាជបុត្រីព្រះរាម​​ នរោត្តម បុប្ផាទេវី សម្តេច ព្រះមហិស្សរា​ នរោត្តម ចក្រពង្ស ឧត្តមប្រឹក្សាផ្ទាល់ព្រះមហាក្សត្រ​ សម្តេចរាជបបុត្រីព្រះអនុជ នរោត្តម អរុណរស្មី​ ឧត្តម​ប្រឹក្សាផ្ទាល់ព្រះមហាក្សត្រ សម្តច នរោត្តម​  សិរិវុឌ្ឍ ឧត្តមប្រឹក្សាផ្ទាល់ព្រះមហាក្សត្រ និងអ្នកម្នាង សម្តេច ស៊ីសុវត្ថិ ជីវ័នមុនីរក្ស ឧត្តមប្រឹក្សាផ្ទាល់ព្រះមហាក្សត្រ និងអ្នកម្នាង សម្តេចស៊ីសុវត្ថិ ពង្សនារីមុនីពង្ស​ ឧត្តមប្រឹក្សាផ្ទាល់ ព្រះមហាក្សត្រ សម្តេចចៅហ្វាវាំង គង់ សំអុល ឧបនាយករដ្ឋមន្រី្ត និងជារដ្ឋមន្រ្តី ក្រសួងព្រះបរមរាជវាំង ព្រមទាំងព្រះរាជវង្សានុវង្ស និងនាហ្មឺនសព្វមុខមន្រ្តី ព្រះបរមរាជវាំង ជាច្រើនរូប។