ព្រះករុណាព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការ:ដ៏ខ្ពង់ខ្ពស់បំផុត​ ព្រះអង្គសព្វព្រះរាជហឬទ័យ ប្រោសព្រះរាជទាន ភិក្ខុ ហ៊ុំ សុទ្ធា សាស្រ្តាចារ្យភាសាសំស្រ្កឹតនៅពុទ្ធិកសាកលវិទ្យាល័យ ព្រះសីហនុរាជ ព្រះគ្រូសូត្រឆ្វេង វត្តសំពៅមាស អ្នកបកប្រែសៀវភៅមេរៀន ភាសាសំស្រ្កឹត (បរិញ្ញាបត្រជាន់ខ្ពស់អប់រំ) ដឹកនាំបញ្ញាវន្ត និងនិស្សិត​ និមន្ត និងអញ្ជើញចូលថ្វាយបង្គំគាល់ នៅមហាប្រាសាទខេមរិន្ទនៅវេលាម៉ោង ១១និង​០០នាទី ថ្ងៃទី ២១ ខែកក្តដា ​ឆ្នាំ ២០១៥។