នៅក្នុងឱកាសដ៏វិសេសវិសាលថ្លៃថ្លាបំផុត នៃព្រះរាជពិធីបុណ្យ យាងគ្រងព្រះបរមសិរី រាជ្យសម្បត្តិគម្រប់ខួប១០ឆ្នាំ របស់ព្រះអង្គ ព្រះករុណាព្រះបាទ​សម្តេចព្រះបរមនាថ នរោត្តម សីហមុនី​ ព្រះមហាក្សត្រ នៃព្រះរាជាណាចក្រកម្ពុជា​ ជាទីគោរពសក្ការ:​ដ៏ខ្ពង់​ខ្ពស់បំផុតនៃយើង ព្រះអង្គបានសព្វព្រះរាជហឬទ័យស្តេចយាងប្រារព្ធ ព្រះរាជពិធីថ្វាយ​ព្រះសុគន្ធវារី ដែល​​បានប្រព្រឹត្តទៅនៅវេលាល្ងាចថ្ងៃពុធ ទី ​២៩ ខែ តុលា ឆ្នាំ ២០១៤ នៅ​មុខព្រះទីនាំងទេវាវិនិច្ឆ័យ។ នាឱកាសដ៏មហាមង្គលនេះ ក៏មានព្រះរាជវត្ត​មាន​ដ៏ខ្ពង់ខ្ពស់ នៃអង្គសម្តេចព្រះមហាក្សត្រី ព្រះវររាជមាតាជាទីគោរព​សក្ការ:វ​ដ៏ខ្ពង់ខ្ពស់បំផុត នៃយើង ផងដែរ។