បន្ទាប់មកនៅវេលាម៉ោង ១៦​និង​៤០នាទី ថ្ងៃទី០៨ ខែ កញ្ញា ឆ្នាំ ២០១៥​ លោក Chen Mingren សាកលវិទ្យាធិការ នៃសាកលវិទ្យាល័យវេជ្ជសាស្រ្តបុរាណចិន ខេត្ត Jiangxi និងលោក Yan Zhaozhu ប្រធានវេទិកាវប្បធម៌ពិភលោក (Taihu- China) នៃសាកលវិទ្យាល័យវេជ្ជសាស្រ្តបុរាណចិន ខេត្ត​ Jiangxi បានរៀបចំពិធីដ៏មហោឡាឬក្ស​មួយ ដើម្បីថ្វាយព្រះបរមងារ ព្រះករុណាព្រះបាទ​សម្តេចព្រះបរមនាថ នរោត្តម សីហមុនី​ ព្រះមហាក្សត្រ នៃ ព្រះរាជាណាចក្រកម្ពុជា​ ជាទីគោរពសក្ការ:ដ៏ខ្ពង់ខ្ពស់បំផុត  ជាសាស្រ្តាចារ្យកិត្តិយស នៃសាកលវិទ្យាល័យវេជ្ជសាស្រ្តបុរាណចិនរបស់ Jiangxi ដោយមានការចូលរួមពីថ្នាក់ដឹកនាំ​នៃសាកលវិទ្យាល័យ លោក-លោកស្រីជាសាស្រ្តាចារ្យ និងសិស្ស និស្សិត យ៉ាងច្រើកុះករ។