នៅវេលាព្រឹក ថ្ងៃទី​​​ ២៤ ខែ តុលា  ឆ្នាំ ២០២៤ ព្រះករុណាព្រះបាទ​សម្តេច​ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ជាទីគោរពសក្ការ:ដ៏ខ្ពង់ខ្ពស់បំផុត សព្វព្រះរាជហឬទ័យប្រោសព្រះរាជទាន ឯកឧត្តម​ Masanneh Nyuku Kinteh ឯកអគ្គរដ្ឋទូតវិសាមញ្ញ និងពេញសមត្ថភាពតែងតាំងថ្មី​នៃសាធារណរដ្ឋហ្គំប៊ី ប្រចាំព្រះរាជា​ណាចក្រកម្ពុជា អញ្ជើញចូ​លក្រាបបង្គំគាល់ថ្វាយសារតាំង ​នៅព្រះទីនាំងទេវាវិនិច្ឆ័យ។