ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការ:ដ៏ខ្ពង់ខ្ពស់បំផុត ព្រះអង្គមានព្រះរាជសទ្ធា ជ្រះថ្លាក្រៃលែង ក្នុងការកសាងឡើងនូវអង្គព្រះកឋិនទានព្រះរាជទ្រព្យ ។ ព្រះរាជពិធីថ្វាយបំពេញកិច្ចអធិដ្ឋានអង្គព្រះកឋិនទាន បានប្រារព្ធនៅវេលារសៀល ថ្ងៃ សុក្រ ១ រោច ខែ អស្សុជ ត្រូវនឹងថ្ងៃទី ១៨ ខែ តុលា ឆ្នាំ ២០២៤ ដើម្បីដង្ហែយកទៅវេរប្រគេនព្រះសង្ឃ ដែលគង់ចាំព្រះវស្សាអស់កាលត្រីមាស ក្នុងមណ្ឌលព្រះកម្មដ្ឋាន ព្រះករុណាព្រះមហាក្សត្រ នរោត្តម សីហមុនី ស្ថិតនៅសង្កាត់ គោកចក ក្រុងសៀមរាប ខេត្តសៀមរាប ។