នៅវេលារសៀលថ្ងៃទី ១៤ ខែ ឧសភា ឆ្នាំ ២០២៣ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា សព្វព្រះរាជហឬទ័យយាងក្នុងព្រះរាជពិធីស្រង់ព្រះសុគន្ធវារី និងបំពេញព្រះរាជសទ្ធាជាមហាព្រះរាជកុសលដ៏ថ្លៃថ្លា ក្នុងព្រះរាជពិធីបុណ្យចម្រើនព្រះជន្មវស្សាគ្រប់ ៧០ យាងចូល ៧១ ព្រះវស្សា ក្រោមព្រះរាជវត្តមានដ៏ឧត្តុង្គឧត្តមបំផុតរបស់ សម្តេចព្រះមហាក្សត្រី ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត នៅខាងមុខព្រះទីនាំងទេវាវិនិច្ឆ័យ ។