ក្នុងឱកាសដ៏មហានក្ខត្តឬក្សថ្លៃថ្លាបំផុត នៃព្រះរាជពិធីបុណ្យចម្រើនព្រះជន្មវស្សាគម្រប់ ៦៦ យាងចូល ៦៧ ព្រះវស្សា ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការ:ដ៏ខ្ពង់ខ្ពស់បំផុត សព្វព្រះរាជហឬទ័យប្រោសព្រះរាជទាន ឧកញ៉ា សុះ កំរ៉ី ចាងហ្វាងគណៈដឹកនាំជាន់ខ្ពស់នៃសាសនាឥស្លាមកម្ពុជា ព្រមទាំង គណៈអ៊ីម៉ាំខេត្ត គណៈអ៊ីម៉ាំស្រុក ហាកឹម និង តួន ចូលក្រាបថ្វាយបង្គំគាល់ ថ្វាយព្រះពរជ័យមង្គល នៅព្រះទីនាំងទេវាវិនិច្ឆ័យ នៅវេលាព្រឹក ថ្ងៃទី ៣០ ខែ ឧសភា ឆ្នាំ ២០១៩។