នៅវេលាព្រឹកថ្ងៃអាទិត្យ​ ៩ កើត ខែពិសាខ ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី ១២ ខែឧសភា ឆ្នាំ២០១៩ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការ:ដ៏ខ្ពង់ខ្ពស់បំផុត​ និង​សម្តចព្រះមហាក្សត្រីព្រះវររាជមាតាជាតិខ្មែរ ជាទីគោរពសក្ការ:ដ៏ខ្ពង់ខ្ពស់បំផុត​ សព្វព្រះរាជហឬទ័យយាងជាព្រះរាជាធិបតីដ៏ខ្ពង់ខ្ពស់បំផុត ក្នុងព្រះរាជពិធីស្វាធ្យាយព្រះបរិត្ត ពុទ្ធជ័យមង្គល និងបំពេញមហាព្រះរាជកុសល ដោយព្រះរាជសទ្ធាជ្រះថ្លា ក្នុងព្រះរាជពិធីបុណ្យចម្រើនព្រះជន្ម ព្រះករុណាជាអម្ចាស់ជីវិតតម្កល់លើត្បូង ​គម្រប់ ៦៦ យាងចូល ៦៧ ព្រះវស្សា នៅព្រះមហាប្រាសាទខេមរិន្ទ។