ព្រះករុណាព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និង សម្តេចព្រះមហាក្សត្រី ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត បានសព្វព្រះរាជឬហទ័យប្រោសព្រះរាជទានលោក ហ៊ឹម ទ្រី អគ្គនាយកក្រុមហ៊ុន ឃាង ហួត International Co, Ltd., និង គណៈប្រតិភូ ចូលថ្វាយ​បង្គំគាល់ ថ្វាយតង្វាយនៅព្រះមហាប្រាសាទខេមរិន្ទ វេលាព្រឹក ថ្ងៃទី ០៧​ ខែ ធ្នូ ឆ្នាំ​​ ២០១៩ ។ ក្រុមគណៈប្រតិភូ បាននាំយកតង្វាយជាអង្ករចំនួន ៥០តោន មី ៥០កេស ត្រីខ ៥០កេស ខ្នើយ ២៥០ខ្នើយ និងទឹកត្រចៀកកាំមាស ១០០កេស ថ្វាយព្រះករុណា​ជាអម្ចាស់ជីវិតតម្កល់លើត្បូងជាទីគោរពសក្ការ:ដ៏ខ្ពង់ខ្ពស់បំផុត  ដើម្បីព្រះអង្គ​ប្រោស​ព្រះរាជទាន​ដល់ប្រជារាស្រ្តក្រីក្រជួបការ​លំបាក​ ។ ក្នុងឱកាសនោះ ក្រុមគណៈប្រតិភូក៏បានថ្វាយដង្វាយអង្ករចំនួន ៥០តោន មី ៥០កេស ត្រីខ ៥០កេស ខ្នើយ ២៥០ខ្នើយ និងទឹកត្រចៀកកាំមាស ១០០កេស ថ្វាយសម្តេចព្រះមហាក្សត្រី ព្រះវររាជមាតាជាតិខ្មែរផងដែរ ។