ព្រះករុណាព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជាជាទីគោរពសក្ការៈដ៏ខ្ពង់ខ្ពស់បំផុតសព្វព្រះរាជឬហទ័យប្រោសព្រះរាជទាន ឧកញ៉ាឱសថបណ្ឌិត ហៃ លីអ៊ាង ប្រធានអគ្គនាយកសហគ្រាសផលិតឱសថ ប៉េ បេ អឹម ចូលក្រាបថ្វាយ​បង្គំគាល់ នៅព្រះមហាប្រាសាទខេមរិន្ទ វេលាព្រឹក ថ្ងៃទី ១៨​ ខែ តុលា ឆ្នាំ​​ ២០១៩ ។ ឧកញ៉ាឱសថបណ្ឌិត ហៃ លីអ៊ាង បាននាំយកតង្វាយឱសថចំនួន ៥០កេស ​ថ្វាយព្រះករុណា​ជាអម្ចាស់ជីវិតតម្កល់លើត្បូងជាទីគោរពសក្ការ:ដ៏ខ្ពង់ខ្ពស់បំផុត  ដើម្បីព្រះអង្គ​ប្រោស​ព្រះរាជទាន​ដល់ប្រជានុរាស្រ្តក្រីក្រជួបការ​លំបាក​ក្នុងជីវភាព ។