នៅវេលាល្ងាច ថ្ងៃអង្គារ ១២ កើត ខែចេត្រ ត្រូវនឹងថ្ងៃទី ១៦ ខែមេសា​ ឆ្នាំ ២០១៩ ជាថ្ងៃវារ: ឡើងស័ក នៃពិធីបុណ្យចូលឆ្នាំថ្មីប្រពៃណីជាតិ ឆ្នាំកុរ ឯកស័ក ព.ស. ២៥៦៣ ព្រះករុណា​ជាអម្ចាស់ជីវិតតម្កល់លើត្បួងជាទីគោរពសក្ការ:ដ៏ខ្ពង់ខ្ពស់បំផុត សព្វព្រះរាជហឬទ័យយាង​ជាព្រះរាជាធិបតីដ៏ខ្ពង់ខ្ពស់បំផុត ក្នុងព្រះរាជពិធីស្រង់ព្រះសុគន្ធវារីទេវរូប នៅព្រះទីនាំង ទេវាវិនិច្ឆ័យ។