នៅវេលាម៉ោង ១៥ និង ១២ នាទី ថ្ងៃអាទិត្យ ១០ កើត ខែចេត្រ ព.ស. ២៥៦៣ ត្រូវនឹងថ្ងៃទី ១៤ ខែ មេសា ឆ្នាំ ២០១៩ ជាថ្ងៃចូលឆ្នាំថ្មី ឆ្នាំកុរ ឯកស័ក ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការ:ដ៏ខ្ពង់ខ្ពស់បំផុត សព្វព្រះរាជហឬទ័យយាងជាព្រះរាជាធិបតីដ៏ខ្ពង់ខ្ពស់បំផុត ក្នុងព្រះរាជពិធីទទួលទេវតាឆ្នាំថ្មី ព្រះនាម ទុង្សាទេវី នៅព្រះទីនាំងទេវាវិនិច្ឆ័យ។