ព្រះករុណាជាអម្ចាស់ជីវិតតម្កល់លើត្បូង ជា​ទីគោរពសក្ការ​:ដ៏ខ្ពង់ខ្ពស់បំផុត​ព្រះអង្គ​​សព្វព្រះ​រាជហឬទ័យសេ្តចយាង សំណេះសំណាលសាកសួរសុខទុក្ខ និងប្រោស​ព្រះរាជ​ទាន​ព្រះអំណោយដល់​​ប្រជារាស្រ្តទីទ័លក្រ ​ដែលជាតំណាងគ្រួសារចំនួន ៥២០ នាក់ មកពីឃុំ ព្រែកអន្ទះ ស្រុក ពោធិរៀង ខេត្តព្រៃវែង ។ ព្រះរាជអំណោយ ប្រោសព្រះរាជទាន ដល់បងប្អូនប្រជារាស្រ្ត តំណាងគ្រួសារម្នាក់ៗ ក្នុង​ឱកាសនោះមាន៖ អង្ករ ៥០ គក្រ មី ០១កេស ស្បែកជើងផ្ទាត់ចំនួន​០១គូ ឃីត ០១កញ្ចប់ (មាន៖ មុង ០១ ភួយ ០១ សារុង ០១ ក្រមា០១) កន្ទេល​មួយទំហំ ០ម៧៥ x ១ម៨០ អាវយឺត ០១ ត្រីខ ១០កំប៉ុង និងថវិកា ចំនួន ១០០,​០០០រៀល។