តបតាមសេចក្តីអញ្ជើញដ៏ខ្ពង់ខ្ពស់របស់ ព្រះករុណាព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការ:ដ៏ខ្ពង់ខ្ពស់បំផុត  នៅវេលាព្រឹកថ្ងៃទី​២៣ ខែធ្នូ ឆ្នាំ ២០១៤ ឯក​ឧត្តម Truong Tan Sang ប្រធានរដ្ឋ នៃសាធារណរដ្ឋសង្គមនិយមវៀតណាម បានអញ្ជើញមកបំពេញដំណើរទស្សនកិច្ចជាផ្លូវរដ្ឋ និងជាមិត្តភាព នៅព្រះរាជាណាចក្រកម្ពុជា រយ:ពេលចំនួនពីថ្ងៃ ចាប់ពីថ្ងៃទី ២៣ ដល់ថ្ងៃទី ២៤ ខែធ្នូ ឆ្នាំ ២០១៤ ។           បន្ទាប់ពីបានស្នាក់អាស្រ័យ អស់រយ:ពេលខ្លី នៅសណ្ឋាគារ Sofitel Phnom Penh Phokeetrha រាជធានីភ្នំពេញរួចមក​ នៅវេលាម៉ោង ១០ និង ១៥នាទី ព្រឹកថ្ងៃដដែល ឯក​ឧត្តម Truong Tan Sang និងគណ:ប្រតិភូជាន់ខ្ពស់អមដំណើរដោយគណ:ប្រតិភូជាន់ខ្ពស់​ បានអញ្ជើញ មកកាន់ព្រះបរមរាជវាំង ដើម្បីថ្វាយបង្គំគាល់ ព្រះករុណាជាអម្ចាស់ជីវិតតម្កល់លើត្បូង  ជាទីគោរពសក្ការ:ដ៏ខ្ពង់ខ្ពស់បំផុត  ។