នៅវេលាម៉ោង ១១:០០ ព្រឹកថ្ងៃទី ២៣ ខែ មិថុនា ឆ្នាំ ២០១៤ នាព្រះមហាប្រាសាទខេមរិន្ទ ព្រះករុណាព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ នៃ ព្រះរាជាណាចក្រកម្ពុជា ជាទីគោរពសក្ការ:ដ៏ខ្ពង់ខ្ពស់បំផុត ព្រះអង្គសព្វព្រះរាជហឬទ័យ ប្រោសព្រះរាជទាន ឯកឧត្តម William (Bill) Jesse Longhurst ឯកអគ្គរាជទូត វិសាមញ្ញានិងពេញសមត្ថភាពនៃចក្រភពអង់គ្លេស ប្រចាំ ព្រះរាជាណាចក្រកម្ពុជា អញ្ជើញចូលថ្វាយបង្គំគាល់ដើម្បី ថ្វាយបង្គំលា ក្នុងឱកាសដែល បេសកកម្មការទូតរបស់ ឯកឧត្តមនៅ ព្រះរាជាណាចក្រកម្ពុជា បានបញ្ចប់ដោយ ជោគជ័យ។