នៅវេលាព្រឹកថ្ងៃ ១ កើត ខែ អស្សុជ ឆ្នាំ ជូត ទោស័ក ព​.ស ២៥៦៤ ត្រូវនឹងថ្ងៃទី ១៨ ខែ កញ្ញា ឆ្នាំ ២០២០ ព្រះករុណាជាអម្ចាស់ជិវិតលើត្បូង ព្រះមហាក្សត្រនៃ​ព្រះរាជាណាចក្រកម្ពុជា និងសម្តេចព្រះមហាក្សត្រី ព្រះ​​​វររាជមាតាជាតិខ្មែរ  ក្នុងសេរី​ភាព​សេចក្តីថ្លៃថ្លូរ និង សុភមង្គល ជាទីគោរពសក្ការ:ដ៏ខ្ពង់ខ្ពស់បំផុត សព្វ​ព្រះរាជ​ហឬទ័យយាងជាព្រះរាជាធិបតីដ៏ខ្ពង់ខ្ពស់បំផុត ក្នុងព្រះរាជពិធីសង្ឃទានវេរភត្តប្រគេន​ព្រះសង្ឃ នៅមុខព្រះចេតិយក្នុងបរិវេណ ព្រះឧបោសថរតនារាម ដើម្បីឧទិ្ទសព្រះរាជកុសលថ្វាយព្រះវិញ្ញាណក្ខ័ន្ធ សម្តេច នរោត្តម នរិន្រ្ទៈពង្ស។