នៅវេលាព្រឹក ថ្ងៃទី ១៣ កើត ខែ ភទ្របទ ឆ្នាំ ជូត ទោស័ក ព.ស ២៥៦៤ ត្រូវនឹងថ្ងៃទី ៣១ ខែ សីហា ឆ្នាំ២០២០​​​​ ព្រះករុណាព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា និង សម្តេចព្រះមហាក្សត្រី ព្រះវររាជមាតាជាតិខ្មែរ ក្នុងសេរីភាពសេចក្តីថ្លៃថ្នូរ និង សុភមង្គល ជាទីគោរពសក្ការ:ដ៏ខ្ពង់ខ្ពស់បំផុត យាងជាព្រះរាជាធិបតីដ៏ខ្ពង់ខ្ពស់ក្នុងព្រះរាជពិធីបួងសួង សូមព្រះបរមរាជានុញ្ញាតដើម្បីជួសជុលព្រះបរមរូប ព្រះករុណា ព្រះនរោត្តម (ព្រះសុវណ្ណកោដ្ឋ) ក្នុងបរិវេណព្រះឧបោសថរតនារាម ព្រះវិហារព្រះកែវមរកត។