នៅវេលាព្រឹក ថ្ងៃទី​ ១៧ ​ខែ កក្កដា ឆ្នាំ២០២០ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការ:ដ៏ខ្ពង់ខ្ពស់បំផុត ​ក្នុងព្រះបរមនាមព្រះអង្គ​ ជាព្រះប្រធានឧត្តមក្រុមប្រឹក្សានៃអង្គចៅក្រម​ សព្វព្រះរាជ​ហឬទ័យប្រាសព្រះរាជទាន ឯកឧត្តម កើត រិទ្ធ រដ្ឋមន្រ្តីក្រសួងយុត្តិធម៌ និងជាសមាជិកឧត្តមក្រុមប្រឹក្សានៃអង្គចៅក្រម ព្រមទាំង សមាជិក​ សមាជិកា​ អញ្ជើញចូលក្រាបថ្វាយបង្គំគាល់ ​នៅមហាប្រាសាទខេមរិន្ទ ដើម្បីប្រារព្ធបើ​កសម័យប្រជុំឧត្តមក្រុមប្រឹក្សានៃអង្គចៅក្រមលើកទី ៣៣។