ព្រះករុណាព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត សព្វព្រះរាជឬហទ័យប្រោសព្រះរាជទានលោកជំទាវ ខូវ សាង ឯកសេរីវឌ្ឍ និង គណៈប្រតិភូពាណិជ្ជករ ព្រមទាំងក្រុមគ្រួសារចូលក្រាបថ្វាយបង្គំគាល់ថ្វាយព្រះពរ និងថ្វាយតង្វាយ នៅមហាប្រាសាទខេមរិន្ទ វេលាព្រឹក ថ្ងៃទី ១៣​ ខែ ឧសភា ឆ្នាំ​​ ២០១៨។ គណៈប្រតិភូ បាននាំយកតង្វាយជាថវិការចំនួន ១០.០០០ ដុល្លារអាមេរិក ទឹកបរិសុទ្ធ ២០០កេស ភេសជ្ជៈ ១០០ កេស និង មី ៥០កេសធំ ថ្វាយព្រះករុណា​ជាអម្ចាស់ជីវិតតម្កល់លើត្បូងជាទីគោរពសក្ការ:ដ៏ខ្ពង់ខ្ពស់បំផុត  ដើម្បីព្រះអង្គ​ប្រោស​ព្រះរាជទាន​ដល់ប្រជារាស្រ្តក្រីក្រជួបការ​លំបាក​ក្នុងជីវភាព ។