នៅវេលាព្រឹកថ្ងៃទី ៧ ខែ មិថុនា ឆ្នាំ ២០២៤ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះ​រាជាណាចក្រកម្ពុជា ជាទីគោរពសក្ការ:ដ៏ខ្ពង់ខ្ពស់បំផុត សព្វព្រះរាជហឬទ័យប្រោសព្រះរាជទាន ឯកឧត្តម Mohammed Abdul Hye ឯកអគ្គរដ្ឋទូតវិសាមញ្ញ ​និង​ពេញសមត្ថភាព នៃសាធារណរដ្ឋប្រជាមានិតបង់ក្លាដេស ប្រចាំព្រះរាជាណាចក្រ​​កម្ពុជា ចូលថ្វាយបង្គំគាល់ដើម្បីថ្វាយបង្គំលាក្នុងឱកាសដែលឯកឧត្តមបានបញ្ចប់បេសកកម្មការទូត ប្រកបដោយជោគជ័យនៅព្រះរាជាណាចក្រកម្ពុជា នៅមហា​ប្រាសាទខេមរិន្ទ ។