ព្រះករុណាព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និង សម្តេចព្រះមហាក្សត្រី ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត បានសព្វព្រះរាជឬហទ័យប្រោសព្រះរាជទាន គណៈប្រតិភូសមាគមឧកញ៉ាកម្ពុជា ដឹកនាំដោយអ្នកឧកញ៉ា លី យ៉ុងផាត់ ជាប្រធានសមាគមឧកញ៉ាកម្ពុជា ថ្វាយតង្វាយនៅព្រះរាជតំណាក់សិរីមង្គល  វេលាព្រឹក ថ្ងៃទី ២០ ខែ មករា ឆ្នាំ​​ ២០២៤ ។ គណៈប្រតិភូនៃសមាគមឧកញ៉ាកម្ពុជា បាននាំយកតង្វាយជាថវិការចំនួន ១,០០០,០០០ ដុល្លារអាមេរិក និងអង្ករចំនួន ២១០ តោន ថ្វាយព្រះករុណា​ជាអម្ចាស់ជីវិតតម្កល់លើត្បូង ជាទីគោរពសក្ការ:ដ៏ខ្ពង់ខ្ពស់បំផុត ​ និង សម្តេចព្រះមហាក្សត្រី ព្រះវររាជមាតាជាតិខ្មែរ និង ដើម្បីព្រះអង្គ​ប្រោស​ព្រះរាជទាន​ដល់ប្រជារាស្រ្តក្រីក្រជួបការ​លំបាក។