ព្រះករុណាព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា សព្វព្រះរាជឬហទ័យប្រោសព្រះរាជទានលោក ហ្សាង អិនហ្វាង ប្រធានប្រតិបត្តិសមាគមសហគ្រិនជាំងស៊ូនៅកម្ពុជា ព្រមទាំងគណៈប្រតិភូ ចូលក្រាបថ្វាយ​បង្គំគាល់ ថ្វាយតង្វាយនៅព្រះមហាប្រាសាទខេមរិន្ទ វេលាព្រឹក ថ្ងៃទី ២០​ ខែ មិថុនា ឆ្នាំ​​ ២០២៣ ។ គណៈប្រតិភូបាននាំយកតង្វាយជាអង្ករ ៣០តោន និងថវិកាចំនួន ២០.០០០ ដុល្លារអាមេរិក ថ្វាយព្រះករុណា​ជាអម្ចាស់ជីវិតតម្កល់លើត្បូង ជាទីគោរពសក្ការ:ដ៏ខ្ពង់ខ្ពស់បំផុត  ដើម្បីព្រះអង្គ​ប្រោស​ព្រះរាជទាន​ដល់ប្រជារាស្រ្តក្រីក្រជួបការ​លំបាក​ ។