នៅវេលាថ្ងៃត្រង់ ថ្ងៃទី ១៤ ខែ វិច្ឆិកា ឆ្នាំ ២០២២ ព្រះករុណាព្រះបាទសម្តេចព្រះបរមនាថ នរោត្តម   សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការ:ដ៏ខ្ពង់ខ្ពស់បំផុត សព្វព្រះរាជហឬទ័យ រៀបចំនូវព្រះរាជពិធីលៀងសាយភោជនាហារដ៏ត្រចះត្រចង់ នៅក្នុងព្រះរាជតំណាក់សិរីមង្គល ប្រោសព្រះរាជទានជាមហាកិតិ្តយសថ្វាយ ព្រះចៅស៊ុលតង់ HAJI HASSANAL BOLKIAH MU’IZZADDIN WADDAULAH ព្រះមហាក្សត្រនៃប្រទេសប៊្រុយណេដារ៉ូសាឡាម ព្រមទាំងគណ:ប្រតិភូជាន់ខ្ពស់ដែលអមដំណើរ។