នៅវេលារសៀល ថ្ងៃ សុក្រ ១៤ កើត ខែ ចេត្រ ត្រូវនឹងថ្ងៃទី ១៥ ខែ មេសា ឆ្នាំ ២០២២ ជាថ្ងៃវារៈវ័នបត នៃពិធីបុណ្យចូលឆ្នាំថ្មីប្រពៃណីជាតិ ឆ្នាំខាល ចត្វាស័ក ព្រះករុណាជាអម្ចាស់ជីវិតតម្កល់លើត្បួង ជាទីគោរពសក្ការ:ដ៏ខ្ពង់ខ្ពស់បំផុត សព្វព្រះរាជហឬទ័យយាងជាព្រះរាជាធិបតីដ៏ខ្ពង់ខ្ពស់បំផុត ក្នុងព្រះរាជពិធីស្រង់ព្រះសុគន្ធវារីព្រះពុទ្ធរូប និងព្រះសង្ឃ និងស្វាធ្យាយព្រះសត្តប្បករណាភិធម្ម (បង្សុកូល) នៅព្រះទីនាំងទេវាវិនិច្ឆ័យ។