នៅវេលាល្ងាចថ្ងៃទី ១៥ កើត ពេញបូណ៌មី ខែពិសាខ ឆ្នាំចសំរឹទ្ធិស័ក ព.ស ២៥៦២ ត្រូវនឹងថ្ងៃទី ២៩ ​ខែ មេសា ឆ្នាំ២០១៨​​​​ ព្រះករុណាព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការ:ដ៏ខ្ពង់ខ្ពស់បំផុត យាងជាព្រះរាជាធិបតីដ៏ខ្ពង់ខ្ពស់ ក្នុងឱកាសប្រារព្ធព្រះរាជពិធីបុណ្យវិសាខបូជា នៅព្រះវិហារនៃព្រះឧបោសរតនារាម ព្រះកែវមរកត ដើម្បីបំពេញព្រះរាជកិច្ចតាមព្រះរាជបវេណីដ៏រុងរឿងនៃព្រះមហាក្សត្រខ្មែរ។