នៅវេលារសៀលថ្ងៃ ១៥កើត ពេញបូណ៌មី ខែ មាឃ ឆ្នាំ រកា នព្វស័ក ព.ស  ២៥៦១​ ត្រូវ​នឹងថ្ងៃទី ៣១ ខែ មករា ឆ្នាំ ២០១៨ ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការ:ដ៏ខ្ពង់ខ្ពស់បំផុត​ សព្វព្រះរាជហឬទ័យ យាងបំពេញមហាព្រះរាជកុសល ក្នុងព្រះរាជពិធីបុណ្យមាឃបូជាប្រកបដោយព្រះរាជសទ្ធាដ៏ប្រសើរថ្លៃថ្លានៅក្នុងព្រះឱសថរតនារាមព្រះកែវមរកត ព្រះបរមរាជវាំង ។