ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត បានសព្វព្រះរាជហឬទ័យប្រោសព្រះរាជទាន  លោកជំទាវ ឯក សំបុល ព្រមទាំងប្រតិភូក្រុមហ៊ុន វិស្វករ និងសំណង់ចិន អញ្ជើញចូលថ្វាយ​បង្គំគាល់ ថ្វាយតង្វាយនៅព្រះមហាប្រាសាទខេមរិន្ទ វេលា​ម៉ោង​ ១១ព្រឹក ថ្ងៃទី ២៥  ខែ តុលា ឆ្នាំ​​ ២០១៦ ។ លោកជំទាវ ឯក សំបុល បាននាំយកតង្វាយជាអង្ករចំនួន៥០តោន និងថវិការចំនួន២០.០០០ដុល្លារអាមេរិក  ​ថ្វាយព្រះករុណា​ជាអម្ចាស់ជីវិតតម្កល់លើត្បូង ជាទីគោរពសក្ការ:ដ៏ខ្ពង់ខ្ពស់បំផុត  ដើម្បីព្រះអង្គ​ប្រោស​ព្រះរាជទាន​ដល់ប្រជារាស្រ្តក្រីក្រជួបការ​លំបាក​ក្នុងជីវភាព។