នៅរាត្រីថ្ងៃទី៥ ខែ ធ្នូ ឆ្នាំ២០១៣ ព្រះករុណាព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការ:ដ៏ខ្ពង់ខ្ពស់បំផុត ព្រះអង្គសព្វព្រះរាជហឬទ័យ សេ្តចយាងជាព្រះរាជាធិបតីដ៏ខ្ពង់ខ្ពស់បំផុត ក្នុងការសម្តែង ទស្សនីយ៍ភាព របាំប្រពៃណីខ្មែរ (របាំដែលទទួលបាន ការប្រោសព្រះរាជទាន បង្ហាត់បង្រៀនដោយផ្ទាល់ នៃអង្គព្រះករុណាព្រះមហាក្សត្រ) និងការប្រគំតន្រ្តី សម្លេងស្រាល នៅប្រាសាទអង្គរវត្ត។