នៅវេលាម៉ោង ២២ និង១៧នាទី ថ្ងៃ សៅរ៍ ៥កើត ខែចេត្រ  ត្រូវនឹងថ្ងៃទី ១៣ ខែ មេសា ឆ្នាំ ២០២៤ ជាថ្ងៃចូលឆ្នាំថ្មី ឆ្នាំរោង ឆស័ក ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ជាទីគោរពសក្ការ:ដ៏ខ្ពង់ខ្ពស់បំផុត សព្វព្រះរាជហឬទ័យយាងជាព្រះរាជាធិបតីដ៏ខ្ពង់ខ្ពស់បំផុត ក្នុងព្រះរាជពិធីទទួលទេវតាឆ្នាំថ្មីព្រះនាម មហោទរាទេវី នៅព្រះទីនាំងទេវាវិនិច្ឆ័យ ។