នៅវេលាព្រឹក ថ្ងៃទី​​​ ១១ ខែ សីហា ឆ្នាំ ២០២២ ព្រះករុណាព្រះបាទ​សម្តេច​ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ជាទីគោរពសក្ការ:ដ៏ខ្ពង់ខ្ពស់​បំផុត សព្វព្រះរាជហឬទ័យប្រោសព្រះរាជទាន ឯកឧត្តម Wilhelm Maximilian Donko ឯកអគ្គរដ្ឋទូតវិសាមញ្ញ និងពេញសមត្ថភាពតែងតាំងថ្មី​ នៃសាធារណរដ្ឋអូទ្រីស ប្រចាំព្រះរាជា​ណាចក្រកម្ពុជាអញ្ជើញចូលក្រាបបង្គំគាល់ថ្វាយសារតាំង ​នៅព្រះទីនាំងទេវាវិនិច្ឆ័យ ។