ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងសម្តេចព្រះមហាក្សត្រី​ ព្រះវររាជមាតាជាតិខ្មែរ ជាទីគោរពសក្ការ:ដ៏ខ្ពង់ខ្ពស់បំផុត ព្រះអង្គមានព្រះរាជសទ្ធាជ្រះថ្លាក្រៃលែង ក្នុងការកសាងឡើងនូវអង្គ ព្រះកឋិនទានព្រះរាជទ្រព្យ ។ ព្រះរាជរិធីថ្វាយបំពេញកិច្ចអធិដ្ឋាន អង្គព្រះកឋិនទាន បានប្រារព្ធ នៅវេលារសៀល ថ្ងៃ អង្គារ ១២ រោច ខែ កត្តិក ត្រូវនឹងថ្ងៃទី ២ ខែ វិច្ឆិកា ឆ្នាំ ២០២១ ដើម្បីដង្ហែយកទៅវេរប្រគេនព្រះសង្ឃ ដែលគង់ចាំព្រះវស្សាអស់កាលត្រីមាសក្នុងពុទ្ធសីមា វត្តគំរាបរុក្ខារាម ស្ថិតនៅភូមិត្រពាំងចាន់ ឃុំត្រពាំងចាន់ ស្រុកបរិបូរណ៍ ខេត្តកំពង់ឆ្នាំង ។