នៅវេលាព្រឹកថ្ងៃទី ២៥ ខែ ធ្នូ ឆ្នាំ ២០១៧ នៅមហាប្រាសាទខេមរិន្ទ ព្រះករុណាព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការ:ដ៏ខ្ពង់ខ្ពស់បំផុត និង សម្តេចព្រះមហាក្សត្រី ព្រះវររាជមាតាជាតិខ្មែរ ជាទីគោរពសក្ការ:ដ៏ខ្ពង់ខ្ពស់បំផុត សព្វព្រះរាជហឬទ័យប្រោសព្រះរាជទានលោក Thiounn Chhayaridh-Intharidh-Charles និងកូនប្រុសនាម Thiounn Yuthiridh កូនប្រសារស្រី​នាម​ Vigoureux Léa ព្រមទាំងក្រុមគ្រួសារ ចូលក្រាបថ្វាយបង្គំគាល់ ដើម្បីទទួលការប្រោសព្រះរាជទានព្រះពរជ័យសិរីមង្គល ពីអង្គព្រះករុណាព្រះមហាក្សត្រ និង សម្តេចព្រះមហាក្សត្រី ព្រះវររាជមាតាជាតិខ្មែរ ដល់បុត្រា-បុត្រី ដែលទើបរៀបអាពាហ៍ពិពាហ៍នាពេលកន្លងមក ​។