នៅវេលាព្រឹក ថ្ងៃទី ២៩ ខែ មិថុនា ​ឆ្នាំ ២០១៧ នៅមហាប្រាសាទខេមរិន្ទ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា  ជាទីគោរពសក្ការ:ដ៏ខ្ពង់ខ្ពស់បំផុត​ សព្វព្រះរាជហឬទ័យប្រោសព្រះរាជទាន លោកសាស្រ្តាចារ្យ Claude Jacques និងសហការី ចួលក្រាបថ្វាយបង្គំគាល់ ។ ព្រះករុណាជាអម្ចាស់ជីវិតលើត្បូង ព្រះមហាក្សត្រ នៃព្រះរាជាណាចក្រកម្ពុជា បានប្រោសព្រះរាជទាននូវព្រះរាជក្រឹត្យ និងប្រកាសនីយ៍ប័ត្រស្តីពីការប្រោសព្រះរាជទានគ្រឿងឥស្សរយសហមេត្រីយ៍ ថ្នាក់មហាសេរីវឌ្ឍន៍ ជូនលោកសាស្ត្រាចារ្យ Claude Jacques ។