នៅវេលាម៉ោង ៣និង១២ នាទី ថ្ងៃសុក្រ  ០៣រោច ខែ ចេត្រ ព.ស ២៥៦១ ត្រូវនឹងថ្ងៃទី ១៤ ខែ មេសា ឆ្នាំ ២០១៧ ជាថ្ងៃចូលឆ្នាំថ្មី ឆ្នាំ រកា នព្វស័ក ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ជាទីគោរពសក្ការ:ដ៏ខ្ពង់ខ្ពស់បំផុត សព្វព្រះរាជហឬទ័យយាងជាព្រះរាជាធិបតីដ៏ខ្ពង់ខ្ពស់បំផុត ក្នុងព្រះរាជពិធីទទួលទេវាតាឆ្នាំថ្មីព្រះនាម កិមិរាទេវី នៅព្រះទីនាំងទេវាវិនិច្ឆ័យ ។