នៅវេលាព្រឹកថ្ងៃទី ១១ ខែ មករា ឆ្នាំ ២០១៧ ព្រះករុណាព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការ:ដ៏ខ្ពង់ខ្ពស់បំផុត និង សម្តេចព្រះមហាក្សត្រី ព្រះវររាជមាតាជាតិខ្មែរ ជាទីគោរពសក្ការ:ដ៏ខ្ពង់ខ្ពស់បំផុត សព្វព្រះរាជហឬទ័យប្រោសព្រះរាជទាន សម្តេចព្រះមហិស្សរា នរោត្តម ច័ក្រពង្ស់ និងបុត្រានាម នរោត្តម រិន្ត្រា បុត្រីប្រសារ​នាម​ ឆាយ ណៃហួយ ព្រមទាំងក្រុមគ្រួសារ ចូលក្រាបថ្វាយបង្គំគាល់ ដើម្បីទទួលការប្រោសព្រះរាជទានព្រះពរជ័យសិរីមង្គល ពីអង្គព្រះករុណាព្រះមហាក្សត្រ និង សម្តេចព្រះមហាក្សត្រី ព្រះវររាជមាតាជាតិខ្មែរ ដល់បុត្រា-បុត្រី ដែលទើបរៀបអភិសេកនាពេលកន្លងមក​។