នៅវេលាព្រឹកថ្ងៃ ១៥កើត ខែផល្គុន ឆ្នាំ មមី ឆស័ក ព​ ស ២៥៥៨ ត្រូវនឹងថ្ងៃទី ០៤ ខែ ខែមិនា ឆ្នាំ ២០១៥ ព្រះករុណាព្រះបាទ សម្តេចព្រះបរមនាថ នរោត្តម សីហមុនី  ព្រះមហា​​ក្សត្រនៃព្រះរាជាណាចក្រកម្ពុជា និងសម្តេចព្រះមហាក្សត្រី ព្រះវររាជមាតា ជាតិខ្មែរ  ក្នុងសេរី​ភាព​សេចក្តីថ្លៃថ្នូរ និងសុភមង្គល ជាទីគោរពសក្ការ:ដ៏ខ្ពង់ខ្ពស់ បំផុត ព្រះអង្គបានសព្វ​ព្រះរាជ​ហឬទ័យ សេ្តចយាងជាព្រះរាជាធិបតីដ៏ខ្ពង់ខ្ពស់បំផុត ក្នុងព្រះ រាជពិធីសង្ឃទានវេរភត្ត ប្រគេន​មន្ត្រីសង្ឃ​ ៥អង្គ ក្នុងព្រះធម្មសាលា​នៃព្រះឧបាសថ រតនារាម ព្រះកែវមរកត ដើម្បីឧទិ្ទសព្រះរាជកុសលថ្វាយ ព្រះវិញ្ញាណក្ខ័ន្ធព្រះករុណា​ព្រះមហាវីរក្សត្រ ព្រះវររាជបិតា ឯករាជ្យ​បូរណភាពទឹកដី និងឯកភាពជាតិខ្មែរ ព្រះបរមរតនកោដ្ឋ ជាទី គោរពសក្ការ:ដ៏ខ្ពង់ខ្ពស់បំផុតនៃយើង។ យាងនិងអញ្ជើញ​ចូលរួមដង្ហែ ក្នុងព្រះរាជពិធី បុណ្យក្នុងឱកាសនោះមាន ព្រះរាជវង្សានុវង្ស​និងមន្រ្តី​ព្រះបរមរាជវាំងជាច្រើនរូប។